«Жол ережесін білу – қауіпсіздік кепілі»«Заң мен тәртіп» аясында бүгін балабақшамызда бүлдіршіндердің жолда жүру ережелері туралы білімдерін бекітуге арналған қызықты әрі танымдық іс-шара ұйымдастырылды.
Сабақ ойын түрінде өткізіліп, балалар белсенді қатысып, өз білімдерін шыңдай түсті. Іс-шара барысында олар:
«Бағдаршам» ойыны арқылы түстердің мағынасын (қызыл, сары, жасыл) қайталады; Арнайы пазлдар құрастыру арқылы негізгі жол белгілерімен танысты; Полиция қызметкерінің рөліне еніп, көшедегі тәртіп пен қауіпсіздіктің маңызын түсінді.Мұндай тағылымды сабақтар балалардың логикалық ойлау қабілетін дамытып қана қоймай, жолда сақ әрі тәртіпті болуға тәрбиелейді.
Жол ережесін сақтау – әрбіріміздің міндетіміз!Балалардың қауіпсіздігі – басты назарда!
